【暖心食譜:三文魚蕃茄杯】
三文魚除左可以用黎做壽司之外,其實還有好多選擇。就好似我地今個月嘅「暖心食譜」三文魚蕃茄杯,唔單只做法可以任意配搭,食落去口感清新,仲對心臟有好大益處。營養貼士:- 蕃茄含豐富鉀質,維他命A,維他命C及茄紅素,有助控制血壓,強化血管及延緩血管硬化,減低患上心血管疾病的機會- 三文魚可降低血液黏度,減少血管栓塞- 購買番茄宜挑選鮮艷紅色。紅色成熟的番茄比綠色、尚未成熟的,所含的胡蘿蔔素高出4倍。- 有焗爐嘅朋友可以將蕃茄放入焗爐焗, 或者唔做成蕃茄杯, 淨係將蕃茄切粒都可以用三文魚柳肉蘑菇等炒勻, 加飯或者意粉食都唔錯架!材料 (1人份量)︰蕃茄 3個三文魚柳 80克蘑菇 半碗粟米粒 2湯匙蒜蓉 1茶匙油 1茶匙調味料︰豉油 1茶匙胡椒粉 1/4茶匙黑胡椒 1/4茶匙做法︰1. 蕃茄頂部棋切一片成杯蓋,挖去蕃茄肉成蕃茄杯,蕃茄肉切碎備用;2. 蘑菇洗淨後切片,備用;3. 三文魚柳洗淨,瀝乾或用廚房紙吸乾水分,加入鹽及黑胡椒醃片刻,4. 燒熱平底鑊,下油,將三文魚煎至金黃色,盛起,撕成小塊;5. 用煎魚後剩下的油炒香蒜蓉,加下蘑菇、粟米粒、蕃茄肉、三文魚及調味料炒勻,盛起成餡料;6. 在蕃茄杯內釀入餡料,即可。